Ամեն տարի փետրվարին ամբողջ աշխարհում նշվում է «Ինտերնետ անվտանգության օր», որի նպատակն է նպաստել առցանց տեխնոլոգիաների և բջջային հեռախոսների առավել անվտանգ և ապահով օգտագործմանը հատկապես երեխաների և երիտասարդների շրջանում:

Այս տարի «Ինտերնետ անվտանգության օրը»/ԻԱՕ/նախատեսվում է իրականացնել փետրվարի 10-ին հետևյալ խորագրով՝ «Եկե՛ք ստեղծենք ավելի լավ ինտերնետ միասին»: 

Սյունիքի ԱԽ ցանցը օրվա կապակցությամբ շահառու դպրոցներում հայտարարում է «Եկեք ստեղծենք ավելի լավ ինտերնետ միասին»խորագրով պաստառների մրցույթ:

Մրցույթը կմեկնարկի ս/թ. փետրվարի 10-ից և կտևի մեկ շաբաթ: Մրցույթի արդյունքները կամփոփվեն ս/թ. փետրվարի 17-ին: Մրցույթում հաղթած մասնակցի պաստառը կտպագրվի Սյունիքի ԱԽ ցանցի կողմից և մեկական օրինակ կտրամադրվի շահառու դպրոցներին:

Մրցույթին ներկայացված աշխատանքները կգնահատվեն հաշվի առնելով հետևյալ չափանիշներները՝

• Համապատասխանությունը թեմային
• Նորարարական մոտեցումները

Հարկ է նշել, որ շահառու դպրոցներում ԱԽ ցանցի միջոցով կկազմակերպվեն օրվան նվիրված իրազեկման հանդիպում-քննարկումներ, որոնց ժամանակ էլ հենց կմեկնարկի պաստառների մրցույթը:

Օրվան նվիրված հանդիպում-քննարկումների, միջոցառումների, ինչպես նաև մրցույթի արդյունքների ամփոփման մասին տեղեկություները կտեղադրվեն Սյունիքի ԱԽ ցանցի բլոգում`axcanc.blogspot.com և պաշտոնական կայքում՝ www.ssc.am: