Այսօր
Եղեգի միջնակարգ դպրոցում 12-րդ դասարանի դասղեկ Մ. Կոստանյանի և գրադարանավար Ն.
Իսակյանի համագործակցությամբ անցկացվեց հետաքրքիր
և յուրօրինակ դասղեկի ժամ՝ նվիրված հայ նշանավոր
արձակագիր, մշակութային վաստակավոր գործիչ, բազմաթիվ շքանշանների դափնեկիր Սերո Նիկոլայի
Խանզադյանի 100-ամյակին: Ինքնատիպ սալիկահանդեսը ներկայացրեց
Ս.Խանզադյանի կյանքի և գրական ստեղծագործական բազմաբովանդակ ուղին:Նախապես ձևավորված խմբերը ՝
ըստ պատմավեպերի վերնագրերի / <<Անդրանիկ>>,<< Գարեգին Նժդեհ>>,
<<Մխիթար սպարապետ>>/ համառոտ ու բովանդակալից
ներկայացրեցին համապատասխան ստեղծագործությունը՝
բնագրից ընթերցելով նաև կարևոր հատվածներ: Դրան զուգահեռ՝ պատմավեպերի հիման վրա նկարահանված
ֆիլմերից դիտեցին դրվագներ,ինչն էլ ավելի բարձրացրեց սովորողների հայրենասիրական ոգին:Աշակերտները խմբովի պատրաստեցին նաև ցուցապաստառներ՝հաղորդելով
լրացուցիչ տեղեկություններ իրենց ստեղծագործության գլխավոր հերոսների
մասին և, հպարտորեն առաջնորդվելով փառավոր Անդրանիկի, Նժդեհի,Մխիթար սպարապետի վառ կերպարներով,մեջբերեցին նրանց հայտնի մտքերից:
Դասղեկի ժամն յուրահատուկ էր նրանով,որ մասնակցում էին 8-12-րդ դասարանի աշակերտները ևս,ովքեր առանձնակի ակտիվություն դրսևորեցին:Իսկ միջոցառման ավարտին աշակերտներն կատարեցին քաջ Անդրանիկ զորավարին նվիրված երգ:
No comments:
Post a Comment