ՕՐ ՉՈՐՐՈՐԴ
Ամառային դպրոցի չորրորդ օրը բավականին հետաքրքիր էր: Նախորդ օրերի օրինակով
մասնակիցները սկզբում ամփոփեցին նախորդ օրվա ընթացքում կատարած աշխատանքները: Այնուհետև երեխաների իրավունքների խախտման վերաբերյալ
կարճրամետրաժ ֆիլմեր ցուցադրվեցին, որոնց շուրջ
բուռն ու հետաքրքիր քննարկումներ ծավալվեցին:
Յուրաքանչյուր ֆիլմից հետո քննարկվում
էին իրավախախտման դեպքերը, պատճառներն ու դրանց
հետևանքները:
Ֆիլմերի դիտումից հետո մասնակիցների համար իրականացվեց «Շահերի պաշտպանություն»
թեմայով ներածական դասընթաց: Դասընթացի ընթացքում մասնակիցները ծանոթացան Շահերի պաշտպանության
մակարդակներին, ձևերին ու քայլերին: Տեսական մասը յուրացնելուց հետո մասնակիցները բաժանվել
են երեք խմբի, խմբերից յուրաքանչյուրին տրվել
է երեխայի շահերի խախտման մեկական դեպք և հանձնարարվել ըստ դեպքերի
մշակել երեխայի շահերի պաշտպանության ուղղված
քայլերը՝ իրականացնելով ՇՊ տարբեր միջոցառումներ:
Խմբերից մեկը իր շահերի պաշտպանության իր ծրագիրը ներկայացրել է թատերական բեմականացման, երկրորդը քարոզարշավի, իսկ երրորդը մամուլի ասուլիսի
ձևով:
Ներկայացումները շատ հետաքրքիր ու բովանդակալից էին, բոլորն էլ քննարկվեցին
ու գնահատվեցին ծափահարությունների միջոցով:
Երեկոյան ամառային դպրոցի մանսակիցները բազմաթիվ ակտիվացնող խաղեր ու վարժություններ կատարեցին ու աշխույժ մթնոլորտում ամփոփեցին չորրորդ
օրը:
No comments:
Post a Comment