ԱԽ-ի ընտրություն
Ս/թ սեպտեմբերի 29-ին Եղեգի միջնակարգ դպրոցում տեղի ունեցավ աշակերտական խորհրդի նախագահի ընտրությունը: Ընտրությանը մասնակցեցին երկու թեկնածու՝ Անահիտ Մանասյանը և Սեյրան Խաչատրյանը: Նրանք իրենց ներկայացրած ծրագրերով փորձում էին հստակեցնել աշակերտների կարծիքը: Նախագահի երկու թեկնածուների ծրագրերում ընդգրկված էին բազում միջոցառումներ, նախաձեռնություններ, ձեռնարկումներ, որոնք, վերջին հաշվով ավելի բովանդակալից ու հետաքրքիր էին դարձնելու դպրոցի աշակերտների առօրյան:
Ընտրությունների արդյունքում Եղեգի միջնակարգ դպրոցի ԱԽ-ի նախագահ ընտրվեց 11-րդ դասարանի աշակերտուհի Անահիտ Մանասյանը,իսկ փոխնախագահ՝Սեյրան Խաչատրյանը: Ընտրվելուց հետո Անահիտ Մանասյանը նշեց, որ անպայման հաշվի կառնի բոլոր դիտողություններն ու առաջարկությունները իր հետագա աշխատանքում: Իսկ հետագա անելիքները շատ են, ընդգրկուն, բազմաբնույթ: Այսուհետ ևս, ինչպես նախորդ տարում, մեր նշանաբանն է լինելու՝ <<Միշտ միասին, միշտ առաջինը>>՝ ծնված 2011թ. սեպտեմբերի 24-ին՝ մեր գիտակցությամբ, որը միշտ պետք է լինի ոգևորության աղբյուր, որն այսօր էլ ոգևորում է մեզ՝ պատանիներիս ու աղջիկներիս՝ դպրոցի ԱԽ-ի գործունեության զարգացման դժվարին ու պատասխանատու ճանապարհին:
No comments:
Post a Comment